Inang Taga

Inang tagapagpaganap ng pangako
Siyam na buwan mong dinala,iningatan para mabuhay
Naghirap sa paglilihi,sakit at bingit ng kamatayan
Inang tagapag-aruga
Bawat haplos at hawak, dulot ay alaga
Bawat halik at yakap,dulot ay pagkalinga
Inang tagaturo
Bawat kamangmangan,iyong pinupunan ng karunungan
Bawat hindi alam,iyong tinuturuan
Inang tagapagtanggol
Lahat ay hahamakin,hwag lamang maaapi
Lahat ay aawayin,hwag lamang masasaktan
Inang tagapagpatupad ng pangarap
Lahat ay gagawin ,masunod lang ang layaw
Lahat ng pasakit titiisin,maibigay lang ang hilig
Inang taga-intindi
Bawat pagkakagalit,siya pang umaamo
Bawat pagmamatigas, siya pang nagsusumamo
Inang taga-pasan
Bawat mabigat na suliranin,hinahanapan ng solusyon
Bawat tanong,hinahanapan ng kasagutan
Inang…..
Tagaluto ,tagahain,tagahugas
Tagalaba, tagasampay,tagaplantsa
Tagalinis, tagapunas,tagawalis
Tagapalengke, tagabili, hingian ng pera
Wala ka nang mahihiling pa
Ginawa na nya lahat para sa iyo
Ano naman ang magagawa mo para masuklian lahat ng ito?