Hinagpis ng Puso

Hindi ka man lang nagpaalam
Lumisan nang gano’n na lang
Ako ba’y may kasalanan
Bakit ako’y iniwan?

Hindi ko man lang nasabi
Saloobin kong nakubli
Hindi ko man lang naisawalat
Damdamin kong nagulat

Nag uumapaw sa sakit
Napakahapdi at pait
Nararamdaman kong pangungulila
Sa akin ay pasakit

Bumuhos na ang luha
Hindi pa rin mahugasan
Hindi pa rin maibsan
Sakit na nararamdaman

Saang sulok magkukubli?
Kanino tatakbo?
Kanino masasabi?
Itong nararamdaman

Paga na ang mata sa luha
Pagod na sa pagyupyop
Salat na ang damdamin
Hungkag na ang puso

Bagaman nalulumbay
At wala nang kaagapay
Kailangang magparaya
Kailangang ipabuya

Sa akin man ay sakit
Sa iyo ay kaligayahan
Sa akin man ay pagdurusa
Sana sa paglisan
Kapayapaan ang hantungan
Paalam….